തുറവൂർ: യുവതിയുടെ അശ്ലീല ചിത്രവും വീഡിയോയും വാട്സ്അപ്പ് ഗ്രൂപ്പുകളിലൂടെ പ്രചരിപ്പിച്ച യുവാവ് പിടിയിൽ. കാസര്കോട് ചെരുവാത്തൂര് ഗ്രാമപഞ്ചായത്ത് കാടന്കോട് വീട്ടില് കെ. പി മനീഷ് (37) ആണ് പിടിയിലായത്.
യുവതിയുമായി സൗഹൃദത്തിലുണ്ടായിരുന്ന പ്രതി ശല്യം ചെയ്യാന് തുടങ്ങിയതോടെ യുവതി സൗഹൃദം അവസാനിപ്പിച്ചു. ഇതെത്തുടർന്ന് ഇയാൾ യുവിയുടെ ഭര്ത്താവിനെയും മകളെയും ബന്ധുക്കളെയും ഉള്പ്പെടുത്തി വാട്സ്അപ്പ്ഗ്രൂപ്പ് ഉണ്ടാക്കിയതും യുവതിയുടെ അശ്ലീല വീഡിയോ പോസ്റ്റ് ചെയ്യുകയും ചെയ്തു.
യുവതിയുടെ പേരില് വ്യാജ ഫേസ്ബുക്ക് അക്കൗണ്ട് ഉണ്ടാക്കുകയും അതില് യുവതിയുടെ അയൽവാസികളെയും കൂട്ടുകാരെയും ചേര്ക്കുകയും ചെയ്തു. പിന്നീട് യുവതിയുടെ അശ്ലീല ഫോട്ടോയും വീഡിയോയും അതിൽ പോസ്റ്റ് ചെയ്യുകയും ചെയ്തു.
ചേര്ത്തല കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. ഇതേ യുവതിയെ പുറകേനടന്ന് ശല്യപ്പെടുത്തിയ കേസില് പ്രതി റിമാന്ഡില് കഴിഞ്ഞിട്ടുണ്ട്.
